Gweithiwr Cymdeithasol (Uwch)

Mae ein timau Anableddau Dysgu yn rhan o gyfarwyddiaeth Oedolion, Tai a Chymunedau o fewn Cyngor Caerdydd.

Fel cyfarwyddiaeth, rydym yn cydnabod bod gweithwyr cymdeithasol yn weithwyr proffesiynol medrus sy’n gwneud gwahaniaeth gwirioneddol a materol i fywydau pobl bob dydd. Mae gennym ddau dîm anableddau dysgu sy’n cwmpasu dwyrain a gorllewin Caerdydd. Mae ein staff yn gweithio ochr yn ochr â thîm iechyd arbenigol ac yn cynnig cymorth amlddisgyblaethol i bobl leol. Rydym yn cefnogi unigolion i gael mynediad at ystod eang o wasanaethau gan ganolbwyntio ar gynhwysiant a chefnogi pobl i gyflawni eu canlyniadau. Mae hwn yn amser cyffrous i ymuno â gwasanaeth sy’n mynd ati i hyrwyddo arfer gorau ac sy’n cefnogi gweithio ar sail cryfder gyda’i ymarferwyr. Dywedodd archwiliad annibynnol wrthym ym mis Mawrth 2020 fod gennym feysydd o arfer da cenedlaethol ac rydym yn awyddus i adeiladu ar y rhain a datblygu cyfleoedd lleol pellach o ansawdd uchel i fodloni canlyniadau pobl wrth i ni wella o’r pandemig.

Mae Caerdydd yn lle gwych i fyw a gweithio. Mae Caerdydd yn ymfalchïo yn ei statws fel prifddinas a dinas fwyaf Cymru. Mae ganddi gymeriad unigryw ag ansawdd bywyd rhagorol ac enw da yn rhyngwladol am ei hamrywiaeth eang o atyniadau diwylliannol, chwaraeon a theuluol. Yn ddiweddar, enwebwyd Caerdydd y ‘drydedd ddinas orau’ yn Ewrop i fyw ynddi mewn arolwg gan yr Undeb Ewropeaidd ac mae’n amlwg pam. Ai nawr yw’r amser iawn i chi weithio ym mhrifddinas Cymru gyda’i chymunedau bywiog ac amrywiol a’i hystod o brofiadau gwaith gwahanol? Byddem wrth ein bodd yn clywed gennych.

Am Y Swydd

Swydd Gweithiwr Cymdeithasol Gradd 8 yw hon (37 awr yr wythnos), sydd ar gael yn y tîm Cymuned Anableddau Dysgu yng Ngwasanaethau Oedolion Cyngor Caerdydd.

Byddwn yn cynnig y canlynol i chi:

• Gwasanaeth sy’n gwerthfawrogi gweithwyr cymdeithasol proffesiynol ac sy’n cefnogi eu hymarfer.
• Dull sefydledig o ymdrin â gwaith cymdeithasol ar sail cryfderau gyda grwpiau mentor i annog trafodaeth a dysgu proffesiynol mewn sesiynau gwarchodedig.
• Cyfle i hyfforddi’n rhan o’r gwaith o gynnig darpariaeth a mentora ar sail cryfderau.
• Goruchwyliaeth reolaidd o ansawdd i gefnogi a chynnal ymarferwyr.
• Dull rhagweithiol o sicrhau ansawdd o fewn y gwasanaeth, gan geisio hyrwyddo’r ymarfer rhagorol a welwn gan ein gweithwyr cymdeithasol.
• Rhaglen hyfforddi eang a helaeth gyda chyfleoedd i hyfforddi mewn meysydd penodol a mynediad at ddiweddariadau cyfreithiol ac ymarfer rheolaidd.
• Mae ein systemau a’n technoleg yn galluogi ac yn hyrwyddo gweithio ystwyth a hyblyg ac mae gan Gyngor Caerdydd amrywiaeth o bolisïau cefnogol ar gyfer ei weithwyr.
• Cyfleoedd i helpu i lywio’r gwaith o ddarparu gwasanaethau i oedolion ag anabledd dysgu yng Nghaerdydd yn y dyfodol

Beth Rydym Ei Eisiau Gennych

• Brwdfrydedd ac angerdd dros wneud gwahaniaeth i fywydau pobl sydd ag anabledd dysgu a’u teuluoedd sy’n trosglwyddo o wasanaethau plant i wasanaethau oedolion.
• Sylfaen gwerthoedd cryf a pharodrwydd i weithio’n weithredol gyda gwaith cymdeithasol sy’n seiliedig ar gryfderau wrth wraidd eich ymarfer
• Profiad o oruchwylio staff
• Profiad o weithio gyda phobl sydd ag anableddau dysgu
• Parodrwydd i ddysgu ymrwymiad i ymarfer rhagorol
• Parodrwydd i ddysgu a datblygu sgiliau asesu a dealltwriaeth glir o Ddeddf Gwasanaethau Cymdeithasol a Lles (Cymru) 2014
• Ymrwymiad i ddatblygu hyder a gwybodaeth o ran gweithredu o fewn fframwaith cyfreithiol y Ddeddf Galluedd Meddyliol. Byddwn yn eich helpu i gael profiad o waith a phrosesau’r Llys Gwarchod
• Disgwylir i bawb sy’n gweithio yn y gwasanaeth ymrwymo i ddiogelu a hyrwyddo lles dinasyddion

Gwiriwch y Disgrifiad Swydd a Manyleb y Person am feini prawf hanfodol a dymunol eraill.

Gwybodaeth Ychwanegol

Os hoffech gael trafodaeth am weithio mewn gwasanaethau Anableddau Dysgu yng Nghaerdydd, cysylltwch â Helen Jones, Rheolwr Tîm, dros e-bost: [email protected]

Mae’r swyddi hyn yn destun Gwiriadau Manwl gan y Gwasanaeth Datgelu a Gwahardd ac yn addas ar gyfer rhannu swydd.

Mae gofyniad i gofrestru gyda Gofal Cymdeithasol Cymru ar gyfer y swydd hon.

Mae diogelu oedolion ac amddiffyn plant yn flaenoriaethau allweddol i’r Cyngor a’n nod yw cefnogi plant ac oedolion i sicrhau eu bod mor ddiogel ag y gallant fod. Mae ein gwasanaethau a’n hysgolion wedi ymrwymo i sicrhau diogelwch pob plentyn ac oedolyn, a byddant yn gweithredu i ddiogelu eu lles. Maent yn cydnabod bod gan blant ac oedolion yr hawl i gael eu hamddiffyn. Caiff hyn ei gefnogi yn ethos cyffredinol y cyngor a’r holl ysgolion.

Croesewir ceisiadau yn Gymraeg ac yn Saesneg. Ni chaiff ceisiadau Cymraeg eu trin yn llai ffafriol na cheisiadau Saesneg.

O ganlyniad i amgylchiadau presennol COVID-19, bydd y broses gyfweld ar gyfer y rôl hon yn cael ei chynnal ar sail rithwir gan ddefnyddio platfform ar-lein priodol.

Os oes gennych unrhyw bryderon ynghylch eich gallu i gymryd rhan mewn proses gyfweld rithwir, mae croeso i chi gysylltu â mi ar y cyfeiriad e-bost uchod.

Nid yw’r Cyngor yn derbyn CVs. Wrth gwblhau’r adran gwybodaeth ategol ar eich cis, sicrhewch eich bod yn cyfeirio at yr isod sydd ar ein gwefan:

Gwybodaeth bwysig sydd angen ei darllen er mwyn cwblhau eich cais:-

• Canllawiau Gwneud Cais
• Gwneud cais am swydd â ni
• Fframwaith Cymhwysedd Ymddygiadol

Gwybodaeth Ychwanegol:-

• Siarter y Gweithwyr
• Recriwtio Cyn-droseddwyr
• Nodyn Preifatrwydd

Job Reference: PEO02430